Junior Full Stack Web Development

Описание курса

Kadirov.dev akademiyasida dasturlashni o’rgatishga asoslangan Junior Full Stack Web Developer kursida quyidagi texnologiyalar o’rgatiladi:

1.     Umumiy Dasturlash teoriyasi - O’quv markazlari odatda ma’lum bir dasturlash tilini o’rgatishadi holos. Kadirov.dev akademiyasida esa kursning 3 haftasini dasturlash asosini o’rgatishga sarflanadi. Bu bilim bilan o’quvchilar xohlagan dasturlash tilida be’malol dasturlar yoza oladilar.

2.     PHP - Hozirgi internetlashgan zamonda bu til eng muhim dasturlash tillaridan biri hisoblanadi. Ma’lumot uchun: internetdagi web dasturlar va saytlarning 80% shu tilda yozilgan. Shu jumladan Facebook ham aynan shu tilda yozilgan.

3.     JavaScript - Ushbu til brauzerlar uchun ishlab chiqilgan bo’lib, hozirgi kunda deyarli barcha dasturlash yo’nalishlarida keng qo’llaniladi. Brauzerlarda yagona dasturlash tili hisoblanadi. Hozir mobil dasturlarni ham ushbu tilda yozish urf bo’lmoqda.

4.     MySQL - Har bir dastur ma’lumotlarni qayerdadir saqlashi kerak. Misol uchun foydalanuvchining elektron manzili, ism-sharfi va hokazo. Buning uchun MySQL ma’lumotlar ombori tizimi bor. Ma’lumot uchun: Facebook barcha ma’lumotlarni aynan MySQL tizimida saqlaydi.

5.     HTML va CSS - Bu tillar dasturlash tillariga kirmaydi, ular veb-dasturlarning tashqi ko’rinishini ifodalash uchun ishlatiladi.

6.     Bootstrap - Ushbu freymvork – dasturning tashqi ko’rinishi uchun kuchli qurol hisoblanadi. HTML, CSS va JavaScript larning tayyor qoliplarini jamlagan. Siz tashqi ko’rinish uchun ko’p kod yozmasdan, tayyor chiroyli bootstrap elementlaridan foydalanishingiz mumkin.

7.     Symfony - Backend uchun eng kuchli freymvork. Dunyoda 3 ta mashhur freymvorklar bor. Symfony, Yii va Laravel. Laravel ko’proq Kanada davlatida ishlatiladi. Symfony esa Yevropa davlatlarida. Yii freymvorki Rossiya va O’zbekistonda. Lekin Yii shunchalik eskirdiki ushbu davlatlar ham aynan Symfony freymvorkiga o’tishni boshlashdi. Backend dastur yaratish uchun ushbu freymvorkka teng keladigani yo’q.

8.     Api-Platform - API yaratish uchun juda qulay instrument hisoblanadi. Front-end’dan keladigan so’rovlarni boshqarishni avtomatlashtiradi, o’zi Swagger ushun maxsus kodlarni generatsiya qiladi. Oddiy so’z bilan aytganda, boshqa dasturchilar 2 hafta ichida yozishi mumkin bo’lgan dasturni, API-Platform orqali 30 daqiqada yozish mumkin.

9.VueJS - Frontend uchun eng zamonaviy freymvork. Ushbu freymvork orqali nafaqat veb uchun, balki mobil qurilmalar uchun, kompyuter uchun ham front-end dasturlar yozish mumkin. Undan tashqari, Vuex akademiyamizda vuex ham o’rgatiladi.

10. Git - Loyihaning versiyalarini boshqaruvchi git dasturisiz, hozirgi zamonaviy dasturlarni tasavvur qilish qiyin. Git har bir dasturdagi o’zgargan kodlarni, fayllarni boshqarib boradi. Git orqali bir necha yil oldin o’chirib yuborilgan fayllarni ham tiklash, yoki har bir o’zgarishlarni ko’rish imkoni bo’ladi.

11. Linux - Linux terminalida ishlash o’rgatiladi. Afsuski Windows foydalanuvchilari ushbu asosiy buyruqlarni bilishmaydi. Hozirgi kunda qariyib barcha ish beruvchilar, dasturchilarni asosiy linux buyruqlarini bilishi kerak deb hisoblashadi.

12. Design Patterns - Bundan tashqari professional dasturchilar har xil loyihalashtirish qoliplari (рус: Шаблоны проектирования, eng: Design Patterns) ni ishlatishadi, ushbu kurs davomida eng kerakli va ko’p ishlatiladigan qoliplar o’rgatiladi.